Veloma 3.0 ''avelako ho anao'' (Vonjisoa ANDJANIRINA (RNMv))

Tsy tanana ahofa na satroka akofaka,
No endri-beloma atolotro anao;
Fa ny ela-panahiko mikopakopaka,
Dia efa tso-drano havelako ho anao.

Raha misy fotoana indray andro any,
Rehefa mahatsiaro ny lasako ianao,
Mba mitsikia re fa aza tomany
Fa fo falifaly no avelako ho anao.

Ireo ratsy rehetra lavenon'ny lasako,
Ampiaraho amin'ny nofoko ho rava sy lò,
Aleo ireny hitambatra ho anisan'ny fasako,
Ho levona mandrakizay tsy hifoha.

Ireo mamy rehetra nifampizarana,
Ny tsara mba vitako rehetra ho anao,
Fenoy mba tsy ho hita izay fahabangana,
Sy tsiro vaovao izay n'havelako ho anao.

15 -04 -2024.
--------