Tomany (Zaka Berthot RANDRIANASOLO)

Tomany aho ka tomany

Tomany ny fo, tsy andro tsy aliny
marary ny loha no sady fanina
Very fanahy, malahelo sy manina
F’ilay fanantenana tsy hita, nanjavona

Lasa saina aho, mandinika hoe..
tena izao mihitsy ve ny lahatra ?
tsy hita izay holazaina, mandositra ny feo,
Ka ny tomany sisa nivahatra

Asa ve mbola ho isy ny mangirana
Maraina vaovao hitondra azavana
anjara masoandro feno hafanana
Fa ity foko kely mijaly, sahirana

Ka ity no farany azo atao
soratsoratra maneho talaho
Mampatsiahy fa izaho tena mbola tia
Na de tsy afaka iaraka aminao
Tomany aho ka tomany
--------