SOTASOTAM-PIAINANA (AORN)

Nifofofofo toa tafiotra
Nanenjera rihatr'ala
Nandaraboka andry vato
ny fandaozanao ty foko
mbola anaty fisitrahan'
ny fitia izay mbola babo

Moa mba saininao akory
zany ratra izay napetrany
fa tomany an-tsasank'alina
Ka tsy sitrana malaky
Mbola tsy hanakom-pery
fa nandoaka lalindalina?

O ry foko mitonia !
Dia mahaiza koa manaiky
Na mandalo fitarainana
Raha fitia natao imolotra
Aza asiana fanenenana
Zay lay sotasotam-piainana

AORN
08 Novambra 2024
--------