ALINA INDRAY ... (Echlie Aichlia Honnie)

ALINA INDRAY ...

Alina indray ity ny andro
Alim-pisentoana ho ahy
Hamisavisako ny tontolo andro
De sady koa mampatsiahy

Alina indray ity ny andro
Alim-pahanginana satria
Mamisavisa ireo dia
Izay vita retraretra
Dinidinika tsy misy fetra

Alina indray ity ny andro
Alina tena mampatsiahy
Ireo ady nolalovana
Ilay fiainana feno ahiahy
No mampalasalasa saina mampitorovana

Alina indray ity ny andro
Tsy mba mahita tory
Fa feno sento no sady ory
Alina feno adin-tsaina
Ilay alina mitondra fisainana

Alina indray ity ny andro
Alina mitondra fahoriana
No mampatsiahy ireo fijaliana
Ranomaso manakotsa ny farafara
Manome tsiny tena otrany adala

Alina indray ity ny andro
Alina feno ratra
Izay foana no mahazatra
Mamboraka ny alaelo
Miteniteny irery mamerovero

Alina indray ity ny andro
Alina ampaherezako ny tenako
Mba hitraka foana
N'inon'inona miseho anoloana

Alina indray hoy aho
Manongonongo-tena mahatsiaro irery
Tsy mba misy afak'amborahana
Fa onjaonjako za samirery
Alina no tena namako...

Alina indray ity ny andro
Alina mampivadibadika
Mamakafaka ny any ambadika
Mampitamberina ireo lasa
Izay feno eso no sady feno latsa

Alina indray e...
Ato aho no mandefa alavitra ny eritreritra
Sy manambatra ny hevitra
Amin'izay tokony ho atao
Izay no miodinkodin'andohako ao
Alina indray.......

Echlie Aichlia Honnie
Princesse Star Of Jesus (EAHPSOJ)
--------