Olona iray ihany teto ambony tany (Elysé Azrael)

Olona iray ihany
Teto ambony tany
No niteny ahy teny mamy
Satria tena tia ahy:
...Ianao izany!!!

Olona iray ihany
Teto ambony tany
No nitia ahy tamin'ny fony,
Nefa tsy ho hitako intsony:
...Ianao izany!!!

Olona iray ihany
Teto ambony tany
Nahay nampiara-peo tamiko
Tamin'ireo hira mamiko:
...Ianao izany!!!

Olona iray ihany
Eto ambony tany
No afaka mamerina indray ny hasambarako
Sy afaka mameno ny pejy faran'ny tantarako:
...Ianao izany!!!
--------