Soratra ho an'ny zazavavin'ny tany (Falisoa Daniel)

Raha misy any olona manina anao
hitondra fitiavana mamy dia mamy,
maniry ny fo ka te honina ao
ho vitanao ve ny hikimpy amin'izany?

Raha ory izy mantsy fa raiki-pitia
manantena fanafana ka mitalaho,
ho vatranao ve hanamaika ny dia
handositra lavitra hidify amin'izao?

Domohin'ny ainy no tokana an-tany
andrian'ny fony fa voro-nirina,
ho marina ve sa ho nofiny ihany:
akaikin'ny tia,eo anilan'ny tiana?

Falisoa Daniel( coline )
--------