Raha nateraka (Rary Nofy)

RAHA NATERAKA

Raha nateraka hijaly;
Ianao ry sombin'aiko!
Dia naleoko ihany nifaly;
Tao anatin'ilay aiko.

Raha nateraka hitomany;
Dia nafoiko tsy hisy akory!
Na haharé ny hirifiry eto an-tany;
Izay tena mpampahory.

Raha nateraka hizaka ngidy;
Dia naleoko tsy nisafidy;
Ny hampisy anao tety!
Fa notanako tao anaty.

Raha nateraka higoaka ranomaso;
Dia naleoko tsy nohariana,nampiana
Fa mizaka ny ankaso
Sy izay rehetra mangidy,tsy tiana.

Raha nateraka ho ory ianao!
Ka hizaka ny tsy fidiny;
Dia naleoko natoritory;
Tao anaty aiko tao.

Raha nateraka halahelo;
Dia naleoko napirinina;
Tao anaty foko mba tsy hihelohelo
Amin'izay mba ho laitra hampanginina.
--------