AOKA (HASINIONY)
Mbola tsisy niantsa
(Nalaina tao amin'ny vetso.serasera.org)
AOKA !Aoka re mba tsy ho Ianao
Ilay endrika voavolavola ka zary fanaka ato anatiko
Mijoloka mamantonalina, mitodra nofy izay tsy tantiko !
Matahotra aho hitia anao !
Aoka koa tsy ho ny tenako
Ilay nandefasanao vinany
Na nandrendrika fijery tao anaty hatsarany
Zohy anie no mba fonenako
Aoka hataoko sanatria
Tsy hisy sombina fotoana na ampahana minitra
Hampivaingana ny nofy nifandonan'ny fontsika
Ka hampiondana fitia
Ary aoka tsy hisy akory
Arabe na lalan-kely hiaraha-milomay
Haharay roa ny ela: dia ny Tiana sy ny Tia amin'izay fotoana izay
Babonao ka dia fatory.
--------
Rohy:
Sokajy :
Aingam-panahy - Fitiavana
Hevitra mandeha
Malalason
(
04/07/2005 11:40)
slt! Hasiniony Mahafinaritra ny zava-bitanao fa izao miverena indray ao @ Faribolana Sandratra fa miandry ny sangan'asanao ny CGM ary koa ny mpaka fy
Malalason
Malalason
hasiniony
(
26/12/2005 04:59)
Aza matahotra re Malalasona ah!