Valinkafatra (HASINIONY)

Valin-kafatra ho an'ny MIARANTSOA, hoy ny ventsony ho:
"Miandry anao, ... ny alikako"

Azonao atao ny minia tsy mahalala
Na doria na ho minitra?
Ilay nofinofy adala
Nifandonan'ny fo-tsika!
Niantsoanao ahy hoe "Malala"
Hay angano honohono
Azo avadika ho hala

Azonao azera ny rindrimben'ny fitiavako
Ivimbino latsalatsa tsy misy hoe nahoana?
Dia tsangano saina fotsy izay rehetra sahan'adiko
Mba ahafahako misaona!
"Fa ny jamba sy marenina nanidy lalina ny fony
Dia iza indray no hitantana azy! ...
amin'ny lalana noferany tsy halehako intsony?"

Azonao atao ny mandoro diam-penina
Dia soloy ireo hirantsika?
Sy ireo tsiambaratelo izay tsy azonao afenina
Izay efa masaka ato anatiko, saingy mbola tsy voadika!
Fa hiezaka aho hanadino ny disadisa toy itony
Mba hisaina izay ho anjarako
Saingy mbola ahiako mafy: IANAO sy ireo Alika ny hiverina amin'ny loany?
--------