BASY (Justin TAHIRISOA)

BASY

Kivy ny saiko
marary ny aiko
Rehefa mihevitra
sy mieritreritra
Ny antom-pisian’
ny fitaovam-piadiana
Toa mahery vaika
sy mafy tsy laitra.
rehefa mipoaka
tsy ahafaha-mitsoaka
fa toy ny varatra
haingam-pilatsaka.
Mirefodrefotra
mila hanempotra.
eny,tsy tanty
Fa mety ahafaty
Tsy voaisa intsony
ireo novonoiny;
Ny sendra tsy maty
nibaby ny mafy
Nitondra takaitra
kilema tsy laitra.
Ka mampitomany
maha-kivy aoka izany,
Mahita ity basy
Hoentina miantsy
Hisetrasetrana,
Handikan-dalàna
Nahitana angano.
Miangavy foano!
Ny mpamorona azy
Melohy ho voasazy
Fa biby fisaina
Tsy mahay miaina
Jereo ny porofo!
Efa hitam-poko.

TAHIRISOA Justin (sept. 2016)
--------