HO AN'I MAMA (LAVENONA)

HO AN'I MAMA

Mama o!
Satry dia satriko loatra
hiantsampy sy hamihina anao
nefa indrisy aho tsy afa-manoatra
ka izao manoratra izao !

Mama o! Efa aman-taona
no nandaozako anao sy ny taniko
Ka nefa tsarovy eny foana an!
fa tiako ianao sady mamiko!

Arahabaiko manokana ianao
nahatratra ny andro androany !
Andriamanitra anie homba anao
ary hitahy anao hatrany hatrany !

Mama o ! raha ny ato am-poko
no soratana sy tantaraina
Angamba na boky aza ataoko fa...
tsy hahatahiry ny tiako holazaina !

Ka ho solon'ny oroka mamy
sy fitiavana anatiko ao !
dia hivavaka ho anao hatrany
ity zanaka lavitra anao !

LAVENONA
--------