SOLOM-PANOMEZAKO (LAVENONA)

SOLOM-PANOMEZAKO

Tononkalo moja
no hany mba kaloiko
ka nefa dia mafonja
sy tena avy ato am-poko !

Io no teny mamy
atolotro ho anao
fa mitsingerina androany
ny nahaterahanao !

Eny ,tononkalo iray
no indro hovetsoiko
hiarahabako anao indray
ry namako tsy foiko !

Dia ny solom-panomezako ?

Tsy akory mofo mamy
na zavatra ho lo
Tsy vola mety ho lany
na harena ihany koa

fa tononkalo kely
natao amim-pifaliana
ka tsy ho lefy velively
na oviana na oviana!

LAVENONA
05/06/22
--------