RAHA TIA AHY IANAO (Miarantsoa Anicet)

RAHA TIA AHY IANAO

Raha tia ahy ianao
Dia aza manindao.
Aza mihevitra ny hihery,
Aza mihetsika mahery;
Tolory ahy moramora
Ny fonao ry tanora.


Hiandry anao aho androany.
Hiandry an-tokontany,
Hampandrosoiko ianao,
Ho ao an’efitro ao!
Hosorana tantely
Ve ny zanaky ny Anjely?
Hovontosako orokoroka
Fa zaza vao maroroka.
Avelao aho hiondan-tsandry
Ry tiana sady zandry.

Avelao aho mba hianoka
Fitia izay safononoka.

Hitia anao aho androany,
Hitia anao hatrany.
Hatrany am-paralalin’
Ny nofy ts’hay takarina.

MIARANTSOA ANICET
--------