Veleso ny aponga (Miarantsoa Anicet)

VELESO NY APONGA
Veleso re ny aponga,
Tairo ireo matory .
Maro ny efa tonga ,
Maro ireo mitory .

Mbola maro koa anefa
Ireo ambadiky ny vala .
Koa...Mila antsika rehetra
Mitoria, aza misala.

Veleso re ny aponga.
Lazao ny namanao,
Na tanora e na kilonga,
Teny soa no ambarao .

Ambarao ho reny
Ny teny famantarana.
Dradrao ombieny ombieny
Fa Jesoa no famaharana .

Veleso re ny aponga .
Lazao ny mpianakavy.
Herezo ireo voatsonga
Mba tsy hiraviravy .

Antsoy koa ireo mania ,
Antsoy fa sao dia very;
'Ndeha torio Jesosy tia
Tompo tokana , Mahery.
MIARANTSOA ANICET
--------