Namako ianao nefa... (Giovanni)

Namako ianao fa tsy fantan'ny foko
Misy fitiavana anao ato fa tsy hinoako
Nefa hiraiko mangina ho kalom-pitia
Hamoronako nofy miray,miara-dia

Andeha ho dinganiko nefa tsy ho vita
Ilay onin'drano mitohy eny am-pita
Andeha hirobohako nefa aho manahy

Hitako lavitra saingy misy fatorana
Tsy azoko alaina fa toa tara-bolana
Ilay fitia mangina mahatonga toloko
Nokoboniko ela ho anao tato ampoko

Fiharahana mandrakizay no hiriako
Fa namako ianao saingy raisiko ho tiako
Hangatahako amin'ny Avo mba hiray hatrany
Nefa ho mpifankatia sa...ho mpinamana ihany?
--------