EKEKO IZANY (Njakahery ANDRIAMALALA)

EKEKO IZANY

Izay efa nomenao ahy,
Na ny tsiky na tomany,
Amin-tsaina amam-panahy,
Ray ô, ekeko izany

Na ho sedraiko an-kalahelo,
Na hamelona tomany,
Na ratram-po mamerovero,
Ray ô, ekeko izany

Na ny ritsokin'ny jaly,
Na ho sento sesilany,
Eny na dia maharary,
Ray ô, ekeko izany

Na tsy hahazo izay iriko,
Eny hifaliako hatrany,
Ary tena hitsikiako,
Ray ô, ekeko izany

Na homenao izay mafaitra,
Hiaretako eny ihany,
Omeo hery aho mba haharitra,
Satria tena ekeko izany.

Raha fitsapana ve tsy ho vita,
Inoako fa voafetra izany,
Aza avela hitanisa,
Izay sento sy tomany

F'ianao tsy ho sopatra mihintsy,
F'izay rehetra nomenao,
Hahasoa sy ho tsiky,
Raha hiova fiainam-baovao

Njakahery ANDRIAMALALA
(09 Octobre 2024)
--------