ILAY TAMIN'IZANY (Njakahery ANDRIAMALALA)

ILAY TAMIN'IZANY

Fony mbola tsy niroso,
Nitia anao antsokotsoko,
Tena sambatra aok'izany,
Ny miaina eto an-tany.

Fony vao tsy nahalala,
Ianao hoe manana Malala,
Mifankatia tsisy otr'izany,
Tsisy mihoatra ny eto an-tany

Fony mbola tsy nahita,
Nareo niaraka niampita,
Nifampitantana aok'izany,
Tena mamy ny eto an-tany.

Fony vao ilay nahatazana,
Ilay endrikao re rahavana,
Dia nanantena mafy hatrany,
Ho sambatra indray andro any.

Njakahery ANDRIAMALALA
(03 Février 2025 t@ 10h 38 min)
--------