ROA SOSONA (NofenoinaNatiora)

ROA SOSONA ??

?'Zay tinazan'ny masoko toa manjavozavo
Tsy nahatazana ny faran'ilay vohitra avo
Fa manganohano sy tafateny irery
Hoe any ambadika any 'zay olo-mampanjeny

?Telina kokoa,mampifaningotra aina
Ny afa-nitia anao,an-tsary tao an-tsaina
F'izao miroa sosona 'zany alahelo 'zany
Fa Sady mitia mangina,no mbola lavi-tany

?Naleoko ihany,mahita anao dia mianjoria
Mihafihafy Kely,manafina Fitia
F'izao Aho toa vonin-talapetraka efa maina
Niala an-tendro-taho fa notsofim-pofonaina

?Naleoko ihany afa-nahita 'lay masonao mijery
Mampamboraka fitia , an'eritreritra miteny
Afa-nahita ny tsikinao rehefa miresaka
Mampitony saina ny feonao malefaka

?F'izao ity ny tanako,mihazona takolaka
Vao nipy koa n'y masoko dia indreo nirotsaka
Ireo ampahan-drano nanamorona
tanaty masoko
Nobanjinin'ilay volana mangasohaso

?Misosona roa 'zany alahelo 'zany
Fa Sady mitia mangina no mbola lavi-tany.

NOFENOINA NATIORA NITSIMOKA

03 Jona 2024
--------