HIVERINA INDRAY (NY Andri-Fara)

HIVERINA INDRAY
Mangina ny alina, mitabataba ny foko,
Feno fahatsiarovana tsy mety miala.
Toy ny ranomaso tsy hita maso,
Mirotsaka lalina ao anatiko ao.

Nisy fotoana feno hazavana,
Fa lasa aloka sisa tavela.
Ny tsiky lasa tantara,
Ny fo kosa mbola mitrotro ny ratra.

Mandeha irery amin’iny lalana mangina aho,
Tsy misy feo miantso intsony.
Fa na dia maizina aza ny andro,
Mbola miandry hazavana ato am-poko aho.

Satria na mafy aza ny fijaliana,
Misy fanantenana mbola velona,
Toy ny masoandro mody hariva,
Hiverina indray rahampitso.

Ny Andri-Fara 23.04.2026
--------