FANIRIAKO IZAO (Ny Andrianary )

Ny faniriako izao,
izaho mahita asa ampy hahavelomako, ireto ankohonako
na mora io na sarotra
Ny tiako tsy hivarotra ny kely mba ananako hahazoana vola
Fa satriko herin-tanako na ny herin-tsaiko
no hahazoako tambiny na tombony ho an'ireo aiko.

Kanefa tsy izay tiako no afaka hahavita ny nofinofinay
Indro izao namidy ny tanimbarinay hanefana ny saram-pianarana sy fitaovana rehetra ho an'izy dahy.

Betsaka ny tiana fa goavana ny sakana,
Mantsy be ny mahamay, be ny mahaporitra
Kanefa dia izao, misy tena tiana sy tanjona kendrena ny ao ambadika ao
Misy fifaliana dimbim-pahoriana mbola ho fiainanao.
Fa aoka ianao zanako hahatsapa ny androaniko
Ka hanova ny tantara ho fiainana tena mamiko rehefa mba tafita.

Izay no faniriako,
Hahita antsika sambatra, mandram-pikimpiko.

Ny Andrianary
--------