Mpanöratra (Ny Hafatra RANDRIANTIANA)

‎Mpanöratra
‎
‎Mazàña ry zalahy
‎Mikonokonoño areriky añaty mangingiñy
‎Tsy hê ravoravo, tsy hê mitomañy
‎Fa lapa fisòman-drô kidinidiniky.
‎
‎Mandêha amin'ny làlaña karaha olo jiaby
‎Miêñy fiênaña mahazatra
‎Izy Koa fa latsa-tökana
‎Ry ao kony lonjan'ny ady sa marary mafy?
‎Hoy anö iñy mitazaña
‎
‎Tàñana ilany mitàna loha
‎Ilany mitàna peniñy
‎Jery mifantoko amin'ny raha taloha
‎Baka iô mandiniky ny ho avy, manorisoritry ny niany
‎mitondra vesatra tsy liôn'olo jiaby
‎
‎Rô mpanöratra aby io!
‎Tsy hê anjely, tsy hê mpaminany
‎Voatantaran-drô aby
‎Rango baka amin'ny pitikìny mandêha amin'ny bolongany
‎Ndrêky raha tsy nikorañiny taminany,
‎Nanjiary vita dika-söratra.
‎
‎Rô mpanöratra aby io
‎Matetiky mivolaña raha misy, mitantara raha mariñy
‎'Ziñy ambaratsika anganongano fò
‎Heverintsika deliram-piênañan-drý manafo.
‎
‎Añaty hirahira ndrêky angano
‎Añy misy koraña têña mariñy
‎Tononkalo, jijy baka iô lahatsöratra maro
‎Añy sitrihan-dro kabaro, korañan-drô mpandalo
‎
‎Ankitiñy,
‎Na mitoliky maniñiana anö na mañandrêfa
‎Anö hareñy, anö ahita
‎Ary fiênaña misitriky añy io voatantara
‎Na aza tômpiny tsy añambara.
‎
‎Ny Hafatra RANDRIANTIANA, Juin 2026
--------