Ny Voary (Ny Hafatra RANDRIANTIANA)

Ny Voary

Ny voary mamiratra, velona, tsy hay takarina,
Mameno ny lanitra, tany, rano sy rivotra,
Manenika izao tontolo izao ho fanomezana,
Mitondra hery, fiadanana ho antsika,
Hainy ihany ny mampifandray antsika rehetra.

Ny hazo avo dia avo, mitsangana tsy mihetsika,
Manome aloka sy aina ho an’ny tany efa reraka.
Maniry ao ny zavamaniry mamy sy tsara tarehy,
Mamony sy mandefa fofona manitra,
Ny rivotra kosa manenika azy ao anatin’ny fitsoka.

Ny vorona manao hira eny ambony habakabaka,
Manako eny amin’ny vohitra sy saha midadasika.
Ny fiteniny dia feno tsiky sy hafaliana,
Mitondra feo milamina sy mamy,
Hiraina isan’andro tsy mety ritra.

Ny ranomasina, mandroso sy mihemotra,
Mihovitrovitra, tsy mety tony,
Manefy ny morontsiraka ao amin’ny fihofany,
Mitondra onja, zava-miafina lalina,
Ary manaitra fo izay mahita azy eny rehetra eny.

Izao tontolo izao, rakotry ny voary masina,
Mirindra tsara, natsangan’Andriamanitra.
Ny voary dia fitahiana tsy misy farany,
Mitondra fiainana sy fanantenana vaovao,
Ka isaorantsika isan’andro ny fisiany.

Ny Hafatra RANDRIANTIANA
--------