Tsy an-tery (Ny Kanto)
Mbola tsisy niantsa
(Nalaina tao amin'ny vetso.serasera.org)
Setrin'ilay "mifandiso" nosoratan'i sarondrahonaMIFANDISO
Ianao angamba ho tiana
Raha izay no tena ilaina,
Kanefa hafahafa !
Raha ny alim –pitoraikitra
Tsy ahità-mitsinjo
No inoana vetivety
Ho zavan’ny maraina;
Ny tiako holazaina :
Mora ho tiako ianao
Fa mora ho voafafa !
Fitia nitsiry tany
Tsy niainga teto akory
SETRINY nosoratan'i Ny Kanto
O Rilaisarotratiavina,
Rangolahy hay no voadonako
Tsy niraika tsy nihontsona
Ny tantely izay omeko
Mody ho vahona hoy ianao
Ny tena lamba izay atafiko
Noraisinao hoe vasobasoka
Ny fitiavako baliaka
Novainao ho ali-mangatsiaka
Dia mitoera irery
Fa ny fitia anie tsy an-tery!
Ny Kanto, Fontenay sous bois, 14h40. 9 juin 2004.
--------
Rohy:
Sokajy :
Hambom-po
Mpakafy:
tsotra1
Hevitra mandeha
sarondrahona
(
10/06/2004 12:44)
Ny kanto a !
Aza masiaka aloha mandra -pilazako ny tena marina ! Mitony tsara aloha a !
Hoy i SARONDRAHONA
Aza masiaka aloha mandra -pilazako ny tena marina ! Mitony tsara aloha a !
Hoy i SARONDRAHONA
NyKanto
(
10/06/2004 16:09)
Aza raisina hoe fahatezerana na koa fahasiahana, fa mba tsetsatsetra tsy aritro iny, nefa koa iny setriny iny mety maniry hitondra tenin'ireo izay mety tojo ilay mifandiso nosoratanao. Tony tsara aho ary tsy manahy noho izany sady efa nahalaza rahateo ny tiako hambara. Ny Kanto.