GASY AHO? (RA Freddy Jn)

Gasy aho, gasy toa an'iza?
Mpitia ny Natiorako sa lay mpaniratsira?
Gasy an-tsaratasy sa Gasy voajanahary?
Mpiaro ny ahy sa Mpanimba voaary?

Gasy aho,,, Gasy manao ahoana?
Mpampianatra ny tsara sa mpiteninteny foana?
Mpandàla fihavanana sa Mpanivahiva ny Namana?
Mpiaro ny zon'ny Hafa sa Mpanao ory hava-manana?

Gasy aho....Gasy toa inona?
Ilain'ny Firenena sa Mpanimba izay nomena?
Mpizara izay ananana sa Mpangoron-karena?
Mpandrava izay natsangana sa tena olom-pirenena?

RA Freddy Jn
11 Mey 2021
--------