Antony (Rabemanantsoa toavina na i ...tsoa)

Nantsain'i
(Nalaina tao amin'ny vetso.serasera.org)
Mahatsiaro matetika ny tany nialàna
ka tsy mety tamàna.
Manembona foana ny fiarahana omaly
ka zary mijaly.


Tsy mety mionona manaiky ny misy
ka mivolan’indrisy.
Misentom-pitia sy manina akany
dia rotsa-tomany.


Nefa manantena ny hiverina an-tany niaviana
ahita ny tiana.
Izay azoko heverina fa antony tokan’
ity fijaliana.



…Tsoa
13 sept 2004,Tolbiac Fce
--------
Rohy:
Sokajy : embona - Alahelo
2848 2
Hevitra mandeha
rabona ( 25/03/2005 16:14)
mandalondalova raha manina fa aza mampijaly tena toy io e!! ,
NyKanto ( 30/03/2005 11:03)
zara-hetran'ny lavi-tany nihaviana
jaly no tsapa sy iainan'ireo lavi-tiana ...
Mahereza.
vetsoko ( 31/03/2005 10:38)
misaotra an'i NYKanto mahatsapa
andriary ( 05/04/2005 16:19)
Halalin'ny manina tsapako loatra
Ny tsy afa-manoatra
Ny halalin'ny manina:misento lava
manao dingan-dava!
Ny halalin'ny manina , tsy mahaloa-peo
Fa mampitoreo
Ny halalin'ny manina, te-hikopaka ho any
hanala tomany!
Halalin'ny manina, manafatra foana
Toa olona moana,
(raha azonao amboarina kokoa ry vetsoko ity tonokalo ity dia avoahy ao dia fiaraha-miasa vita?sa???)
vetsoko ( 05/04/2005 17:59)
efa eo mihintsy aho izao ry se a!ho avy e!

nikopol ( 31/08/2005 10:02)
mampatsiaro ahy ny tononkiran' i Rabearivelo ny figadon'ity tononkira ity :
"Ry voro-manidina mora malako
Aiza no hody?
ny foko tanora malemy sy bako
moa mba ho tody?"

zakilinina ( 01/09/2005 19:50)
Angaha koa i nikopol mba mahafantatra an'izany gadona izany ?
vetsoko ( 02/09/2005 07:50)
tonga dia hainao mihintsy ry nikopol a!Izaho mantsy nianatra tao @ lycéé JJR tany dago dia niampita tao amiko ilay aingam-panahiny
mankasitraka
Hametraka hevitra
Midira aloha
Momba ny tononkalo
Mpanoratra : Rabemanantsoa toavina na i ...tsoa
Nampiditra : vetsoko
Daty : 24/03/2005 18:52
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0111