Lozanao rafahafatesana (RalMich)

Mba valio aho hoe hankaiza
Ilay vadiny aman-janany ?
Izy mpiahy sy mpitaiza
no nalainao teo antanany !

Ny ray sy reniny banjino,
osa vatana, ontsa fo !
Mahita maso fa tsy mino,
tsy manaiky izay manjo.

Ary izahay fianakaviany e !
Sy 'reo namany rehetra !
Raha ny tianay sy ny tiany,
dia ny hiaraka hitoetra.

Tonga ianao nivatravatra,
tsy nijery taona akory.
Nampianjera ka nandratra,
resy izy dia natory.

RalMich
Antananarivo, 17/02/2022
--------