MBA HO FANAVOTAN-TANINDRAZANA (SANTATRA RAFENOMANANTSOA)

Raha ny aiko miala
ry tanindrazako malala
no anavotra anao
amin'izao fotoana izao
*
Dia tsy maninona aho fa vonona
anao ny tenako ho sorona
ho fanavotam-pirenena
miainana anaty mahonena
*
Ka tsy ihemotra aho Ragasy
na iza hanapoaka basy
manoloana izato foko
fa dia vonona aho hiroso
.*
Ary hiroso hatrany hatrany
mba hanavotra ity tany
ary mihitsy aho tsy hitorona
raha tsy vita izato tolona
--------