FIANGAVIANA (RH Mayam)

Izao antsoko izao
mba iangaviako anao,
Aoka tsy ho fatany!
Sao mantsy ho zakany
fa mandry an-tanimena
ilay zaza mahonena
naloaky ny kibony!

Ny tananao no atolory
fa aza milaza akory
ny mombamomba ahy,
Lazao hoe tsy manahy;
Fa mizotra am-pilaminana
tsy misy mitongilana
ny iraka ataony.

Izay no iangaviako!
Ka sitrako ary tiako
raha tanterakao ireo
izay voalazako anikeo,
Aza ampiana tombony
na anesoran-tsombiny;
fa izay hafarako aminao
no andeha tanteraho.
--------