Fitaka sy lainga (RODER)

1
Fitaka sy lainga no manarona ny tany,
Toy ny aloka mangina manaraka hatrany.
Teny mamy eny ivelany, fo hafa ao anaty,
Manimba fanahy maro, manakorontana ny aty.
2
Indraindray ny lainga mitafy endrika tsara,
Tsiky sy teny mamy no anaovany saron-tava.
Mampanantena hazavana nefa mitondra haizina,
Mitarika ny fo ho amin’ny lalana tsy marina.
3
Ny fitaka indraindray toa namana akaiky,
Miteny hoe: “Matokia”, nefa manafina zava-dratsy.
Tsy hita avy hatrany ny ratra aterany,
Fa rehefa tonga ny andro dia tsapa ny mangidy.
4
Fa ny marina toy ny masoandro miposaka,
Na lainga an-jatony aza tsy hahasakana.
Rehefa mifoha ny saina sy ny fo mahatsapa,
Mirodana ny fitaka, very ny saron-tava.
5
Koa aza avela hanjaka ny lainga sy fitaka,
Fa izy ireny toy ny afo mandoro vahoaka.
Aoka ny marina no hitarika ny dia,
Dia hiova ny fo, hazava ny fiainana.

RODER,8 Mars 2026
--------