LAZAO AHY NY MARINA (RODER)

Ry malala, misy teny tsy zakako hangina,
Efa ela no nitoetra tao am-poko mangina.
Fantatrao fa tia anao aho, tsy indray andro akory,
Fa fitiavana lalina, tsy mba natao hanambory.

Tsy manery ny fonao aho hifidy ahy,
Fa manaja ny safidinao sy ny lalanao hatrany.
Ny hany angatahiko dia teny marina sy madio,
Mba hahafantarako ny toerana misy ahy am-ponao.

Raha namana ihany no hitanao ato amiko,
Lazao am-pahatsorana, tsy hitahiry alahelo aminao aho.
Fa aleoko mandre ny marina, na dia maharary aza indraindray,
Toy izay hiaina ao anaty fanantenana tsy hay.

Na inona na inona valinteninao, dia mbola hanaja anao aho,
Satria ny tena fitiavana dia tsy fanerena fa fanajana sy fitiavana fo.
Ary raha mbola tsy fotoanantsika anio, dia havelako ny fotoana hiteny,
Fa ny foko kosa mbola hivavaka mangina, mirary ny soa ho anao mandrakariva.

20/07/2026
--------