Dinitrao (SARONDRAHONA RAMBOLAMANANA)

DINITRAO

Raha tsy ianao vahoaka
No noitra sy nitolona
Dia saika maty tsindrin’
Ny hadalan’ny olona !

Raha tsy ianao vahoaka
No nikimpy sy niteny;
Dia nambakain’ny sasany
Hatramin’ny fireneny !

Fa raha tsy ianao vahoaka
No mba nahatsiaro tena;
Dia levona tanteraka
Ny hoe: “FAHALEOVAN-TENA”

Ka fetsy ihany ianao
Niezaka nitsoaka,
Mba ahalalàny tsara
Fa MAHERY IANAO VAHOAKA !!!

Fa raha tsy ianao vahoaka
No nanam –pisikinana;
Dia saika lafo vola
Hatramin’ny FAHAMARINANA


SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
--------