Veloma (SARONDRAHONA RAMBOLAMANANA)

VELOMA


Izaho izao handeha dia hametra –beloma :
Hametra –beloma aminareo SAKAIZA
Mpitsidika anay !
Hametra –beloma aminareo SAKAIZA
Mpamangy hatrizay !
Hametra –beloma aminareo notiavina
Nandrasan –ko tia
Fa mena masoandro efa akaiky hidify
Ity lalana ity !
Veloma daholo ny omaly rehetra nitafatafàna
Veloma daholo ny sangy rehetra namenao tanàna !
Veloma ny tsiky sy ireo hanihany
Fa tsisy hovantanina :

Dia aleo iny hilamina !

Izaho izao handeha ka hanao mampamangy :
Hanao mamapamangy aminareo sakaiza
Mpitafa amiko iny !
Hanao mampamangy aminareo sakaiza
Sasa –nandiny
Hanao mampamangy aminao mpiara –dia
Mpisasaka rasa
‘nareo mantsy sisa no hijianona eto
Fa izaho ity ho lasa !
Veloma daholo ny tariha mamy ho tadidy lalina
Veloma ny kalo sy ny hira rehetra nadoaka ny alina
Veloma ny horaka namaky havoana
Fa sioka efa resy :

Dia aleo iny hisesy !

Averiko indray,
Fa “rehefa i FENO no manao veloma :
Handeha izy izay !!!”

SARONDRAHONA RAMBOLAMANANA ( 033 14 253 57)
Beronono- Anjozorobe, 07 Aogositra 2001
Faribolana SANDRATRA Antananarivo
--------