ADY NY FIAINANA (SOLIMAH)

"Lalina ity Ramatoa a",
Hoy ralehilahy raha nisento.
Ka ho afaka ho aiza ary moa e!
Iareto izay iainantsika eto.

Ekena fa mafy ny tolona,
Henjana , mila tsy ho aritra.
Fa iaino izay iainan'ny olona.
Izao angaha no anjara voafaritra!

Miketrika ihany kinanjo
mafonja ny bao eo an-tsoroka.
Tsapako efa osa ny ranjo,
Mila tsy hahazaka sakoroka*.

Dia aiza ny lalan-kizorana?
Hatraiza no fetran'itony?
Ny an-tanana tsy azo votsorana ,
Mitady tsy ho tohitra intsony.

Ady ny fiainana an-tany,
Gidra-pamindra tsy laitra.
Sedrao fa izay any dia any e!
Mikatroka aloha rehefa taitra.

.....S O L I M A H ....."01 Jolay 2025"
--------