NATAKALONY (SOLIMAH)

Natakalony vorom-bazaha
ny anabavin'ise ry Balita a!
Nidifiany ny loko tantsaha,
Ary aleony nihoatra any am-pita.

Nodakainy ny laka-nitondra,
Loharano nipoiram-pitiavana.
Nitogaigy teo IkalaSahondra,
Nangaihay fa voasetrim-pandavana.

Natakalony anjely vaovao
ny anabavinareo ara-nofo.
Izy kosa nanova lalao,
Hanorenany indray ny solofony.

Sakodiavatra ihany ry bavy,
Saingy daka tsy nahy no nahazo.
Velon-tsento fa vita matavy!
Rotidrotika ilay voninkazo.

SOLIMAH
©05/07/19®
--------