SARANGAN'ANKIZY (SOLIMAH)

Ny zanaka deba any izao,
voaaro sy genagenaina.
Ny zaza kamboty ny anao
tsy misy masoandro andrandraina.

Ny zanak'ireo avo razana
arovany hatrany am-pandriana.
Ny anao itsy zara raha tazana
imason'ny fianakaviana.

Endrey izany ho avin-dry Koto !
Solaitra no vita dia niala.
Ankoatra ny lamba maloto,
Esoina fa zanak'adala.

Fitiavana ve moa tsy hananany;
fa osa amin'ny lafiny angovo.
Marefo ny hery eo an-tanany,
Mbola aiza izay maha zatovo.

Kanefa ny zanaka pata*
tefena ho mpandraharaha.
Hipoka vola ao am-bata,
Manenjika revy vazaha.

....S O L I M A H .....
06 Aog. 2025
--------