VARATRA (SOLIMAH)

Misy nofy nofihinin'
ireo nofy tena nisy!
Misy sary nobanjinin'
ireo aloky ny indrisy.
Misy kalo nokaloin'
ireo andinin-kira moana.
May ivelany sy kila,
Mandra-piavin'ny fotoana.

Misy faritra voarara,
Anaty fetra mena loko.
Ny fizotran'ny tantara
no misakana ny foko.
Misy varatra sy havandra,
Misy rivo-misafoto,
Tsy ahafahana miandrandra
anaty fiainan-drotoroto.

Misy izao sy izao mitranga,
Saingy tankina ny maro.
Misaritaka an-tsaranga,
Sy hakiviana mifangaro.
Misy loto, misy diky,
Misy fofona tsy zaka,...
Mbola maro no mitsiky,
Misy te ho tompon-daka.

.....S O L I M A H .....
03/07/23
--------