azonao! (tsiolaka)

Azonao rombahina izay rehetra am-pelatanako
dia azonao fongorina izay kely mba hananako
F’izaho tsy hiteny izany,sanatriaviko ny hamaly
tsy hanandra-tonombavaka na hiantso tody izany

Azonao lotoina amin’ny resa-tsy manjary
ataovy ambetin-dresaka ,omeo teny maharary
fa hangina aho tsy hiteny,toa ireny moana ireny
na sokajianao ho kanosa na sahalainao ho malemy

Azonao ratraina f’izany aloha tsy ahoako
Avelako aza hanarana, hanimba izay ataoko
Ny tsy ekeko velively ary hany tsy andeferako
Ny mikasa hanisy ratsy ireo zanaka naterako

fa ireo tsy ananako havana ,tsy ahalalako tiana
na iza na iza mamiko,raha ireo no hoe tsiniana
tsy andalako fihavanana raha sendra ka tohinina
ny ankoatra’ireo tsy ahoako fa ekeko tsy maninona !
--------