ATAOKO AHOANA? (yarihm)
Mbola tsisy niantsa
(Nalaina tao amin'ny vetso.serasera.org)
ataoko ahoana ny hanadino anao?ianao! ianao ilay tsy sarako
lasa aho, ianao nandao
nandao! dia hanadino izany anarako
ataoko ahoana ny hanadino ireny lasantsika?
tanaty mafy, tolona sy ady
'lay foko haraka iny, 'lay jihitry ny hatsiaka
notinafinao fitia, nisintaka sahady
embonako eto aky, ireny diantsika ireny
tany an-toeram-pampiarahana
e! ontsa loatra aho mahatsiahy 'lay ambetin-teny
hoe: "tia anao aho, sanatria ny fisarahana"
asa ianao? asa ianao raha tahaka ahy?
fa oram-baratra ny fiainako
irery loatra aho, sady reraka fanahy
ho aiza anefa? mafaitra loatra ianao tarainako!
YARIHM
11/07/12
--------
Rohy:
Sokajy :
Fitiavana
Mpakafy:
felitchita