You are here: home > Vetso

RATSIMBA Georges

Teraka tamin`ny 3 Sept 1926
Ny solon`anarana ampiasainy dia: Ny Rahona na NRRG
efa ela izy no nanoratra ary anisan`ny Tononkalo nosoratany ilay nohirain`ny Tarika feo Gasy hoe ITONDRAY TSIKITSIKY AHO RAHA HO AVY IANAO.
Nanomboka nanoratra tamin`ny 1945, nodimandry ny 2 may 2005.



Hevitra mandeha

naritsimba (09/12/2003 09:10:28)

Diso ny daty nahaterahan'io mpanoratra io 03 Septambra 1926 no izy fa tsy 26 Septambra 1926 akory aza-fady indrindra.Amin'ny manaraka dia ho maromaro ny tononkalony alefako eto

naritsimba (06/05/2005 10:52:51)

NY MOMBA AZY
Teraka tamin’ny 03 Septambra 1926 zanak’ i RAVELOMIANJEVA Joseph sy RASOAMIARANDRAY
-Niditra nianatra tao @ Ecole Protestanta Ambohimiandra ny 3 janoary 1934-Desambra 1938

-Nanohy ny fianarany tao @ Ecole Protestanta Ambohijatovo Atsimo ny janoary 1939-desambra 1944.

-Janoary-Desambra 1945 Ecole Protestanta Ambatonakanga ka nahazo ny CESD ka namoaka ny asa sorany voalohany t@ gazety bokin’ny Skoto « TOAKA-SIGARA-LOKA »

-Janoary 1946-octobra 1948 nianatra tao @ ecole Normale Ambavahadimitafo ka nahazo ny CAE ary nanomana ny Brevet élémentaire ary nitarika ny fikambanana mpifady toaka, ka nahatonga azy ho voaantso tany @ Commisariat fa noheverina fa mitarika fikambanana Pôlitika.

-Novambra 1948-septembre 1949 Niditra teo @ sahatry ny fampianarana tany Mangarivotra Mahajanga.

-Octobra 1949-desambra 1950 niverina nianatra tao @v Ecole Normale Ambatomanga-Manjakandriana, ka sady nianatra ny Teolojia, ary nahazo ny Brevet élèmentaire ary voatendry hampianatra tany @ Sekoly Protestanta Ambalavao Antananarivo Antsimondrano.

-Ny 9 desambra 1950 no nampakarany an’dramatoakely RANARISOA ho vadiny

-Janvier 1958-septambra 1964 dia niditra niasa t@ fanjakana ka voatendry t@ ireto toerana ireto Ambato-Boeny tampo-tanana, Tsaramandroso Ambato Boeny, Ankeribe(Ambohidratrimo), ary Manalalondo-Arivonimamo.

-Octobra 1964-Jolay 1967 Tafiditra nianatra tao @ Institut Pedagogique Ampefiloha ka nanoratra t@ gazety Hehy, Madagascar Matin, Courrier, fampitaha, fanasina, ary anisan’ny mpitarika tao @ Ankany Cité Mandroseza

-Oktobra 1967-septambra 1968 dia izy no Conseiller Pedagogique itinerant tao Antsirabe ka nanomana ny famoahana ny Boky ROTSIROTSY

-Oktobra 1968-Septambra 1969 nampianatra tao @ Foibe fiofanana ho mpampianatra Ambaratonga voalohany tao Fianarantsoa, ary nampianatra sy nampiofana tao @ FITATA.

-Oktobra 1969-septembre 1971 Nitazona ny RADIO SCOLAIRE ka tompon’andraikitry ny Dinika ho an’ny mpampianatra, Ny sekoly sy ny zanantsika, ny fitsipi-pitenenana, fanabeazam-boho, fanazarana hiteny.

-Oktobra 1971-mars 1973 Nitana ny toeran’ny rédacteurn’ny gazetin’ny mpianatra izay navoakan’ny Ministeran’ny fampianarana, ny gazety boky fampianarana an’ny Club UNESCO. Namoaka nisesy ireo boky ho an’ny ankizy: Ilay akoholahikeliko, Imaromaso sakaizako, Ny tanimbolin’ny Benja, ary ny boky ho an’ny mpampianatra MASOMBOLY ho an’ny Ambaratonga voalohany.

-Mars 1973-mai 1976 voatendry nankany Toliary, ka nampianatra tao @ CPIIC belemboka, nampianatra tao @ Lycée Laurent Botokeky, izay vao tafavoaka ny boky ROTSIROTSY

-Jona 1976-mai 1981 voatendry indray hiasa taty Antananarivo ka tao Ambatonakanga (BEP-OTEP)

-Jona 1981-jolay-1986 niomana ny hisotro ronono ka nampianatra tao @ CEG Ambohimalaza –Miray , nitazona ny Taranja Malagasy

-Septembra 1986 nitsahatra teo @ sehatry ny asa ka nisotro ronono ka nanoratra ny tantara filalao an-tsehatra IFARANOMBY sy ny Roman LISY

-Oktobra 1995 nankalaza ny faha 50 taona nanoratana ka nanao fampirantiana tao @ tranombokim-pirenena Ampefiloha.

Nodimandry ny 2 May 2005 teo amin’ny faha 79 taonany.

naritsimba (04/05/2010 13:57:09)

-Feno 65 taona amin'ity taona 2010 ity ny fahatsiarovana ny nanoratany voalohany.
-5 taona lasa tamin'ny 2 may 2010 teo ny nahafatesany.
Tsy avela handalo fotsiny izany fa hoezahina ho marihana amin'ny famoahana ho fantatry ny olona rehetra ireo asa-sorany izay mbola tsy nivoaka.
Tsara ihany koa ny manamarika fa anisan'ny mirotsaka eo amin'ny sehatry ny fanoratana ihany koa ny zanany sy ny zafiny, ary anisan'ny tsy azo adinoina ny nahazoan'ny zafikeliny Stéphanie RATSIMBA ny laharana faharoa tamin'ny fifaninana sora-tononina taona 2009 izay natao tany Frantsa, ho an'ireo Malagasy monina any ivelany, ka teo amin'ny sehatr'ireo efa azo lazaina fa mahafehy tanteraka ny teny Malagasy no nandraisany anjara.
Dia manantena ny Malagasy rehetra hankafy hatrany ny teny Reny dia ny TENY MALAGASY

toetra (16/05/2010 14:02:39)

Misaotra indrindra ry Naritsimba nizara zavatra mahafinaritra. Tsara tokoa ireo tononkalon'i Ratsimba Georges ary mazava ny tantarany.

naritsimba (30/12/2010 08:43:59)


RATSIMBA Georges
Ny RAHONA
(Mpampianatra – Mpanoratra – Mpikabary)

1945 – 2010 Faha - 65 taona nanoratany
2005 - 2010 Faha - 5 taona nahafatesany

Alatsinainy 20 desambra 2010
ENS Ampefiloha

Vita soa aman-tsara ny fahatsiarovana azy, ary nampitondraina ny lohateny hoe: "RATSIMBA GEORGES POETAN'NY FANABEAZANA"
Isaorana etoana ny Filohan'ny HAVATSA/UPEM sy ny mpampianatra ao ami'ny ENS Ampefiloha izay nanaiky tamin-kitsi-po ka nahafahana nanatontosa ny fotoana rehetra tamin'io 20 Desambra 2010 io.
Andriamanitry ny fiadanana anie homba antsika mandrakariva.

maholisoa (31/05/2017 12:39:13)

Manahoana,

Nahafinaritra ahy loatra ny nahafantatra an'ity mpanoratra ity.
Nivoaka tany amin'ny facebook noho ny fetin' ny reny iny lay tsianjery
"fetinao anio ry Neny"

Ka gaga aho fa hay moa misy andininy telo.
Ny andininy voalohany ihany no nianarako tany antsekoly fony zaho fito taona.
Dia indroa isan-taona avoaka ho an'i mamanay rehefa fetin ny reny sy tsingerin-taona.

Fenofeno ery eto ny foko, koa dia alefako ho azy ny andininy rehetra amin'ity taona ity.
misaotra indray

Maholisoa

Hametraka hevitra

Midira aloha