DIA AFAKA 'LAY TANINDRAZAKO - RATSIMBA Georges

Azo vakiana?

Andeha horontsoniko indray
‘Lay lokanga nihantona ela
‘Reo kalon’ny fo fahizay
No hamaha ny fatoran’ny lela

Hoy ny kalon’ny fo fahizay
Raha hadinoko ianao re ry taniko
Hanadino ny tanako iray
Ny lela hiraikitra an-danilaniko

Ny ampitso dia saro-pantarina
Ka nikombona aloha ny vavako
‘Zao kosa dia tsapako marina
Tena afaka ‘lay Tanindrazako

Tsy mandihy tsy afa-tavony
Fahendrena navelan’ny razako
‘Zao kosa tsy resaka intsony
Tena afaka ny Tanindrazako

‘Zao dia afaka ‘lay Tanindrazako
Ka rontsoniko indray ny lokanga
Tsy nofisiko intsony fa tazako
‘Lay masoandro eny an-danitra manga

‘Zao dia afaka ‘lay Tanindrazako
Ka mitraka ny fo ato anaty
Noratrain’ireo hafa karazana
Sy ‘reo tapaka tia vola maty

‘Zao dia afaka ‘lay Tanindrazako
Ka ho tapitra hatreo ve ny asa?
Vao maika ho mafy ny fiezako
Nanompoako azy tamin’ny lasa

Famaranana ity tonom-bavako :
“Zanahary ry Tompo mahery,
Mba tantano e ty Tanindrazako
Ny fiandrianany anie tsy ho very.

Ambanidia, 26 jona 1960
Ny RAHONA RATSIMBA Georges

Hametraka hevitra

Midira aloha

Mombamomba

Mpanoratra : RATSIMBA Georges

Nampiditra : naritsimba
Daty : 21/06/2010
Mpamangy : 1589
Mankafy : 0

Tononkalo hafa

LASA ILAY MAHERY FO
TILY AHO
MBA SAMBATRA KOSA…(NRRG)
MBA SAMBATRA KOSA…
NY TENA SAKAIZA
FIKASANA !
VOALOHAM-PITIAVANA !
KINDRIANDRIANA
DIA AFAKA ‘LAY TANINDRAZAKO
TANINDRAZANA