DISO VE? (Aina Nirina)

Mbola tsisy niantsa

Hangataka antsa
(Nalaina tao amin'ny vetso.serasera.org)
DISO VE ?

Diso ve ny tia
Raha diso fiantefa
Ny fo te-hifangia ?

Diso angamba… nefa…
Tsy fidiny anao
Ny ho kanto toy izao…


Tsy fidiny amin’ny foko
Ny hitia antsokosoko
Ny efa manan-tompo…

Fa satriko mba haka
Ny mbola tsisy faka,
Sy mbola tsy voafatotra
Kanefa tena matotra…

Nefa dia indrisy,
Izao ny zava-misy…
Ianao no tiako,
Sy hany faniriako :
Fitia tena lalina,
Kanefa angalarina !

Diso ve ny foko,
Ka tokony hiova loko ?
Diso ve ianao
Mitia ahy toy izao ?

Diso isika angamba,
Kanefa efa jamba…
Ka na hoe mania,
Tia ka dia minia
Ny mangala-dia
Fa MAHERY NY FITIA…

AINA NIRINA
(09 septambra 2014 tamin’ny 00:40)
(Boky Sombin’i Aina 1 pejy faha-47)
--------
Rohy:
Sokajy : Fitiavana
3216 0
Hametraka hevitra
Midira aloha
Momba ny tononkalo
Mpanoratra : Aina Nirina
Nampiditra : AinaNirinaPoeta
Daty : 17/03/2015 19:38
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.015