MASOANDRO AINA (Aina Nirina)
Mbola tsisy niantsa
(Nalaina tao amin'ny vetso.serasera.org)
MASOANDRO AINAIanao anie ka tiako
Sy tokana malalako,
Ianao no fifaliako
sady hasambarako,
Ianao no mpanafana
sady masoandroko,
Ianao no hazavana
hampihiratra ny androko…
Fa raha vao mifoha :
ianao no andrandraiko,
Hiposaka ao am-po,
hamelona ny aiko,
Fa ianao no Aina
Niriko hamelona ahy,
Mpanokatra ny saina,
mpanainga ny fanahy…
AINA NIRINA
(04 desambra 2014 tamin’ny 14 :34)
--------
Rohy:
Sokajy :
Fitiavana
