TIA (Aina Nirina)
Mbola tsisy niantsa
(Nalaina tao amin'ny vetso.serasera.org)
TIA Niserana toa nofy
Ny maso nifanopy,
Narahin-tsiky kely,
Ka mainka nihanahery
Dia mody tsy niraika,
Kanefa efa maika,
Satria tany am-po :
Efa tena TIA tokoa...
Dia mody hoe moana,
Rehefa manoloana,
Nefa te-hiteny foana :
Hoe TIA, tena TIA...
Te-hanome FI TIA :
Fitia tena FY,
Sy hanome FO TIA,
TIA ka te-hinia
Ny hiara-dia…
Dia mody nila resaka
Ilay fo manahy hitresaka
Raha sendra tojo TSIA
Fa raikitra FITIA :
TIA ka te-hiteny
Hoe mba omeo ny ENY…
AINA NIRINA
(15 desambra 2014 tamin’ny 21 :10)
--------
Rohy:
Sokajy :
Fitiavana
