HAFAHAFA - AJO

Azo vakiana?

     Toa manjary hafahafa
     rehefa ts'isy anao mitafa
          sy  midinidinika amiko
     dia ny hatsiaka sy fanala
     vovoka sy tranonkala
          no mameno ny efitranoko

    Fa na dia 'lay hirahira
    zary toa naniratsira
         ny tontolon'androko
    dia nanjary takon'ila
    sady sahy namilafila
         'lay mba hany taratr'androko

   He! jereo ny zaridaina
   feno zava-manan'aina
         namboleko voninkazo
   Efa  zary karakaina
   sady hatsatra sy maina
         nitanondrika, nalazo
...............................

                Amin'izao fotoana izao,
                mety aiza ho aiza ianao?...

    
    

Mombamomba

Mpanoratra : AJO

Nampiditra : daybreak
Daty : 16/02/2011
Mpamangy : 1083
Mankafy : 0

Tononkalo hafa

EFA NISY
DEMAIN
MYSTERE
L'ETRANGER
TSY HO LENA IANAO
HOLAZAIKO VE ?
TENY...
IANAO IHANY
ORA FAHAFIRY?
TSY TAFANDRY