You are here: home > Vetso

TSY HO LENA IANAO - AJO

Azo vakiana?

Tsy ho lena ianao,
toa ahy...
toa ahy, kotsan'orana an'alim-pahavaratra
mikotrokotrok'andro,
mikotrika masoandro
maraina vao hiposaka.
Tsy ho lena ianao, f'izah'
miandry rivotra hitosaka
hanamaina miandalana
ito lamba mialin'andro,
sitrany mba malamalana.

Tsy hangitsy ianao, f'izah'
izaho kosa mbola hamindro
eto amorom-patana eto;
handroaka ny hatsiaka
mety hitari-panaviana
anaty ora fatoriana...
saingy izaho, tsy hahita tory...
fa haheno ny horakorak'ireo tsy mangatsiaka
nandao ny  morom-patany,
an'alim-pandihizana,
haheno ny fidobodoboky ny gadona mozika
nanafana irony vatany
tsy nahalala vizana.
................................
                  Saingy izaho,
                  tsy hahita tory,
                  sy tsy hahita anao akory...

                                                           (2003)

Sokajy : manokana

Mombamomba

Mpanoratra : AJO

Nampiditra : daybreak
Daty : 07/05/2011
Mpamangy : 1088
Mankafy : 0

Tononkalo hafa

EFA NISY
DEMAIN
MYSTERE
L'ETRANGER
HOLAZAIKO VE ?
TENY...
IANAO IHANY
ORA FAHAFIRY?
TSY TAFANDRY
HAFAHAFA