Raha... - AMN (Arialy)

Azo vakiana?

Raha tonga ilay aretina mampalemy anao
aoka tsy handamaka fa hanao ny fanao
tsy hilefitra fa hiady, hitady hery maika
eny na hoe reraka sy mitsako ny mafaitra

Raha toa ka lasa saina amin'ny fiainana
ataovy avo lenta ny asan'ny fisainana
tsy misy ny ho resy ka hivarina an-kady
fa hihoitra hitsambikina, hiezaka hiady

Raha toa ka lasa nandeha ilay olon-tiana
ianao tsy ho resy ka hitafy hakiviana
fa hoavy ilay andro izay hifaliana anaty
hisolo ilay tiana satria ianao tsy ratsy

Raha indro kosa  fa diso nanantena
tsy ho sorena, hivika ka hiery fandresena
fantatrao fa mandalo ireny olana ireny
ho avy irony soa hahafaly anao ombieny

Raha indrisy fa tojo irony fahoriana
ka tena resy sy anaty hakiviana
aoka ianao hahery fa izany ny etoana
herezo izato saina fa mandalo ny fotoana

AMN (Arialy)

Hametraka hevitra

Midira aloha

Mombamomba

Mpanoratra : AMN (Arialy)

Nampiditra : arialy
Daty : 18/09/2013
Mpamangy : 1024
Mankafy : 0

Tononkalo hafa

Ny vehivavy ... Tsy mba
Ilazao
EZAKO
Ala-nenina
Ho ravoravo
Hifamaly ve
Hirifiriko
Reny hono
Izy irery
Ilay fitiavan-tsika