'LAY TANANAKO (ANDRIAMASIMANANA Andry)

‘LAY TANANAKO

Ilay tananako iny tsarovako mazana
Aty an-tany lavitra aho, tena tsy tamana
Ny saiko toa manembona, ilay tananako iny
Ny foko tsy mitombina, mahatsiaro ny fahiny

Ny fahiniko va re ?? no ho tantaraiko anao
Tiko sady mamiko, tsy mba mankalao
Fa any GASIKARA, ilay firenena soa
No misy ‘lay tananako, mamiko tokoa

Veloma mampamangy ry tananako iny
Tsy maintsy ho teneniko fa fahatsiarovana iny
Veloma GASIKARA tanindrazako iny
Fa mbola hiverina aho tsy ho mpivahiny
--------