MIARAMILA (ANDRIAMASIMANANA Andry)

Vahoaka sesehena,
hitsahina hosena
Zay mba mitaky,
fahafahana ao anaty
Ny tafika amintsika,
fitaova-politika
Fitaovana enti-miady,
ho an’i sarimbavy
Fa vao misahotaka,
mitady ny hirotaka
De indreo fa mivory,
hanao ‘zay mampahory
ireo miaramila gasy
miantrana aminy basy
baoty sy kalach

Fa zanak’iza moa, ireo miaramila ireo?
No mamonomono,
sy mapihorohoro
an'ireo manandra-peo

Ny basy no avoaka,
de ny baomba koa apoaka
amin’ity vahoaka
‘zay tsy manantsiny,
toy ny mpivahiny.

Fa iza ihany koa no mamelona ireo?
moa ve tsy ity vahoaka mijaly, mitoreo?
fatorana, gejaina
enjehina, gadraina
mitady fahafahana,
nefa toa lamahana
dradraina lava izao
ny aminy tanindrazana
fa masina sy tò,
ka mila hasoavina....


Aleoko aloha mangina
tsy miseho manandram-peo,
hitsoaka aho,fa ahiako
hisambotra ireo!!!
--------