HIHIRA AHO HO ANAO - Rasamindrakotroka Andry Tiana

Azo vakiana?

HIHIRA AHO HO ANAO

Hihira aho ny amin'ny omaly,
Ny omaly tsy mba fanadino ;
Ny  fitiavan-tsika  nifamaly,
Nandeha tsara tsy nampino.

Hihira  aho  ny amin'ny anio,
Ny anio  tsy ho latsa-danja,
Ho voatahiry, ho voarakitr'io,
Ka tsy  mety ho  lany manja.

Hihira aho ho an'ny ampitso,
Ny ampitso  hisy zava-maro ;
Na iray, telo, dimy, io na fito,
Tsy misy  ahiana, fa fantaro.

Hihira  aho  ho an'ny  ho avy,
Ny ho avy tsy manam-petra ;
Ho   salama  ny  mpianakavy,
Ho  fifalian'ny  olona  rehetra.

Hihira  aho,  hihira  ho   anao,
Ianao,   ilay   andefimandriko ;
Hatramin'izay,  hatramin'izao,
Hany  tokako  sy voatandriko.

Hihira  aho amin'ny feoko  gara ;
Hihira hanako hatrany an-danitra.
Hihira, ary ezahako  ny ho  tsara ;
Hihira,  hidera  an'Andriamanitra.

RASAMINDRAKOTROKA Andry Tiana
13 Janoary 2020

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 13/01/2020
Mpamangy : 601
Mankafy : 5

Tononkalo hafa

EMBONA AN’I DADA
TSIARO AN'I NENY
MIEZAHA AMIN'NY HERIN'NY TENA
ILAY MBA FAHAIZANA KELY
ANDROM-PAHANTERANA
NY RAY SY NY RENY
NY FIAINANA FANETREN-TENA
NY FIAINANA ETO AN-TANY
NY ASA FAMPIANARANA
AZA MANDORO TANINDRAZANA