TSIARO AN'I NENY - Rasamindrakotroka Andry Tiana

Azo vakiana?

TSIARO AN'I NENY

I Neny,  ilay  hany nitondra,
Sivy  volana  tao   an-kibo ;
Ilay  niankin-drindrina  irery,
No   tsaroana    ankehitriny,
Mitamberina  ao  an-tsaina.
Sarobidy noho ny diamondra,
Anaty  "raoby" nisy fehikibo,
Moa  ve   tsy  toy  ny  anjely ;
Maotina   tsy   nanan-tsiny,
Anefa  tena  naranin-tsaina.

I Neny, ilay hany nikolokolo.
Nijery  ny  rehetra nahasoa ;
Nitotototo sy nihazakazaka,
Nianatsimo sy nianavaratra,
Na  an-tsaha,  na an-tànana.
Tena voakarakarany daholo,
Na ireo Koto,  na  ireo  Soa ;
Tsy mba  nisy voavakavaka,
Mba ho tratra ilay filamatra,
Tokantrano soa, toa Kanana.

I Neny, ilay  hany tsy hadino,
Fa  mba ho tsaroana  foana,
Any  amin'ny  misy azy any.
Lasa lavitra ampitan'ny ony ;
Any amin'ny  tsy taza-maso.
Ny  olona   tia   anefa  mino,
Fa mbola ho avy ny fotoana,
Hiverenana   amin'ny  tany,
Ary  hihaonana  any ambony,
Ka  tapitra  eo  ny ranomaso.

RASAMINDRAKOTROKA Andry Tiana
01 Jona 2020

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 09/06/2020
Mpamangy : 500
Mankafy : 6

Tononkalo hafa

EMBONA AN’I DADA
MIEZAHA AMIN'NY HERIN'NY TENA
ILAY MBA FAHAIZANA KELY
ANDROM-PAHANTERANA
NY RAY SY NY RENY
HIHIRA AHO HO ANAO
NY FIAINANA FANETREN-TENA
NY FIAINANA ETO AN-TANY
NY ASA FAMPIANARANA
AZA MANDORO TANINDRAZANA